0209 - 0210 宇宙船 #扭蛋劇場 顧家
N: 新年流流，我地去陪嬸嬸鋤大DEE吖。
C: 唔啦，都唔熟，平時陪嬸嬸嗰啲員工呢？
N: 新年流流，佢地冇同嬸嬸講萬歲，俾嬸嬸炒咗。
C: 咁我地去陪嬸嬸，都唔一定要鋤大DEE啫。玩SWITCH得唔得。
N: 題目係鋤DEE，邊有得SWITCH㗎。嗱，一陣去到呢，派牌嘅時候，可以俾晒啲DEE嬸嬸先。
C: 咩話？
C: 但係我師父係啤王，我咁做即係出千，有辱師門，同埋對唔住啤牌喎。
N: 你換牌，自己贏，先叫出千。你換牌，自己輸，叫出沖。你個人open mind啲得唔得先。
C: 咁樣樣……
N: 啤牌係死嘅，人係死嘅。
C: 咁咩係生㗎？
N: 利是係生嘅。你想唔想要利是吖？
N: 嗱嬸嬸呢，就長輩，咁去到就有利是逗啦，你唔做，真係大把人爭住做㗎。
C: 為咗利是……要我背叛啤牌呀？
C: 等陣先，仲有一個人呢？我都得兩個人，都唔夠人鋤㗎？
N: 仲有一個呢，係嬸嬸親自揀出嚟嘅，指定嘅荷官。
C: 佢係荷官，但係又可以落場？咩規則呀？
N: 你唔好理咩規則啦，都係陪嬸嬸啫。中國人，要孝順，OK？
N: 嗱，一陣出牌呢，收收手，唔好懶係有驚喜，有舖排咁，要按章出牌。
C: 咁係咪仲係階磚3出先？
N: 嬸嬸出先。
C: 咁你又話按章出牌？
N: 按護老院探訪章程吖嘛。
C: 咁都得呀？正一……
N: HI嬸嬸！到啦，叫HI嬸嬸啦。
C: HI嬸嬸~
Search